El ħuruf es sghira wel ħuruf lekbira

Talkhis

El ħuruf saεat tetekteb sghira (kima qaεed nekteb tawwa) wala KBIRA. Waqtech w kifech nektbu bel ħruf lekbira wala es sghira? Hedha lkol nalqaweh fel warqa hedhi.

Waqtech nektbu ħuruf sghira w waqtech nektbu bel kbira

El ħuruf el kol taqrib tnajjem tetekteb fi uwwel el kelma (bekhlef el "'", elli mayji ken fel wost). Fet Tunsi, el ħuruf yetketbu dima sghar, ella fel ħalet hedhi elli yelzem yetketbu fihom kbar:

• Fi uwwel el jomla: dima uwwel ħarf fel jomla yetekteb kbir;

• Esm khas: el ħarf luwwel mel esm el khas yetekteb dima kbir, ama artikel et taεrif elli yesbeq el esm el khas dima yetekteb sghir, ella idha je fi uwwel el jomla;

  • Mithel 1.: Zina w Ɛziza hua esm el kar et twila;

  • Mithel 2.: Nektbu bet Tunsi εle khatru lughtna;

  • Mithel 3.: Et Tunsi hua lughti elli nħebha.

• Akronim: el akrunimet yetketbu bkolhom bel ħuruf lekbira;

  • Mithel: Ech Charika et Tunsia mteε edh Dhaw wel Gaz -> CHTDHG. (Lehne el akronim yabda b 'CH' εle khtru ħarf mrakeb; manajmuch nqossu ħarf mrakeb fi zuz.)

Kifech nkabru el ħuruf

Kima mawjud fi warqet el ħuruf, fama ħuruf simpel w ħuruf mrakba. Haw kifech nkabruhom:

• El ħuruf es simpel: es sambol mteε el ħarf ywalli maktub kbir;

  • Mithel 1.: "a" ywalli "A";

  • Mithel 2.: "ħ" ywalli "Ħ".

• El ħuruf el mrakba, mayetbaddel fiha ken es sambol luwwel.

  • Mithel 1. (sħiħ): "ch" ywalli "Ch";

  • Mithel 2. (ghalet): "gh" ywalli "GH".

  R.B.: El qaεda hedhi matbadel chay felli chofneh el fuq. Yaεni, el akronim yetekteb bel ħarf el mrakeb kemel, amn fel takbir, ken es sambol luwel hua eli yekber.