Zid el klavie et Tunsi l Ubuntu 20.04

El ktiba bet Tunsi testħaq klavie fih el ħuruf ellezma, khasatan el 'Ħ' wel 'Ɛ'. Hadheka εlech 5demt εal klavie hedha.

El Klavie hedha maεmul bech ytabeq el qawaεed elli mawjudin εala tunsi.tn.

El klavie mjarreb εal Ubuntu 20.04, ama mafamech εlech bech mayemchich mεa el OSet eli kharjin mel Ubuntu wala εal versionet lokhrin mteε el OS.

Tnajem telicharji el klavie min GitHub

Chnawa fih el klavie hedha?

Hedha klavie AZERTY, kima el klaviet el AZERTY lkol. Fih ħajtin bark mbadlin: zedneh el 'Ħ' wel 'Ɛ'.

Ki tenstali el klavie (chuf elluta bech taεref kifech), haw kifech tektebhom:

ε: Alt Gr + e
Ɛ: Alt Gr + Shift + e
ħ: Alt Gr + h
Ħ: Alt Gr + Shift + h

Haw el klavie chnawa fih:

┌─────┬─────┬─────┬─────┬─────┬─────┬─────┬─────┬─────┬─────┬─────┬─────┬─────┲━━━━━━━━━┓
│ ³ ¸ │ 1 ̨  │ 2 É │ 3 ˘ │ 4 — │ 5 – │ 6 ‑ │ 7 È │ 8 ™ │ 9 Ç │ 0 À │ ° ≠ │ + ± ┃ ⌫       ┃
│ ² ¹ │ & ˇ │ é ~ │ " # │ ' { │ ( [ │ - | │ è ` │ _ \ │ ç ^ │ à @ │ ) ] │ = } ┃         ┃
┢━━━━━┷━┱───┴─┬───┴─┬───┴─┬───┴─┬───┴─┬───┴─┬───┴─┬───┴─┬───┴─┬───┴─┬───┴─┬───┺━┳━━━━━━━┫
┃       ┃ A Æ │ Z Â │ E Ɛ │ R Ê │ T Þ │ Y Ÿ │ U Û │ I Î │ O Œ │ P Ô │ ¨ ˚ │ £ Ø ┃       ┃
┃Tab ↹  ┃ a æ │ z â │ e ε │ r ê │ t þ │ y ÿ │ u û │ i î │ o œ │ p ô │ ^ ~ │ $ ø ┃   ⏎   ┃
┣━━━━━━━┻┱────┴┬────┴┬────┴┬────┴┬────┴┬────┴┬────┴┬────┴┬────┴┬────┴┬────┴┬────┺┓      ┃
┃        ┃ Q Ä │ S „ │ D Ë │ F ‚ │ G ¥ │ H Ħ │ J Ü │ K Ï │ L Ŀ │ M Ö │ % Ù │ µ ̄  ┃      ┃
┃Maj ⇬   ┃ q ä │ s ß │ d ë │ f ‘ │ g ’ │ h ħ │ j ü │ k ï │ l ŀ │ m ö │ ù ' │ * ` ┃      ┃
┣━━━━━━━┳┹────┬┴────┬┴────┬┴────┬┴────┬┴────┬┴────┬┴────┬┴────┬┴────┬┴────┲┷━━━━━┻━━━━━━┫
┃       ┃ > ≥ │ W “ │ X ” │ C ® │ V ← │ B ↑ │ N → │ ? … │ . . │ / ∕ │ § − ┃             ┃
┃Shift ⇧┃ < ≤ │ w « │ x » │ c © │ v ⍽ │ b ↓ │ n ¬ │ , ¿ │ ; × │ : ÷ │ ! ¡ ┃Shift ⇧      ┃
┣━━━━━━━╋━━━━━┷━┳━━━┷━━━┱─┴─────┴─────┴─────┴─────┴─────┴───┲━┷━━━━━╈━━━━━┻━┳━━━━━━━┳━━━┛
┃       ┃       ┃       ┃ ␣                               ⍽ ┃       ┃       ┃       ┃
┃Ctrl   ┃Meta   ┃Alt    ┃ ␣ Space                         ⍽ ┃AltGr ⇮┃Menu   ┃Ctrl   ┃
┗━━━━━━━┻━━━━━━━┻━━━━━━━┹───────────────────────────────────┺━━━━━━━┻━━━━━━━┻━━━━━━━┛

El instalasion

Bech tzid el klavie et Tunsi, lezmek:

Et telicharji el ficha tn;
T'hez thot'ha fi ed dusi /usr/share/X11/xkb/symbols/;

Fel ficha /usr/share/X11/xkb/rules/evdev.xml, zid el kod hedha baεd ay </layout>:

  <layout>
     <configItem>
       <name>tn</name>
       <shortDescription>tn</shortDescription>
       <description>Tunisian</description>
       <languageList>
         <iso639Id>aeb</iso639Id>
       </languageList>
     </configItem>
     <variantList/>
  </layout>

Hakka el klavie tzed fel system. Tawa bech ennajmu nektbu bih, lezem yetaktiva fel reglaj mteε el Ubuntu. (Fi "Region & Language", neklikiew εle el '+' fi ekher "Input Sources", mbaεed εle "Other" w ghadi nalqaw "Tunisian");
Idha ken el klavie mazel mahuch maħloul, aεmel refresh lil Gnome (Alt + 'F2', mbaεed ekteb 'r' wenzel εal entre.);