Tanqit el ktiba

Talkhis

Bech nektbu ħajet mafhuma, lazemna netfehmu εle et tanqit. Yomken todh'hrokom ħaja sehla w matestħaqech barcha klem εliha ama hedha much shih. Ek tanqit muhom kifu kif el ħuruf.

Noqta (.)

El noqta hya waħda men aham et tanqitat fel ktiba w nestaεmluha barcha. Haw kifech:

Fi ekher el jomla

Fi ekher kol jomla, yelzem nħottu noqta. Ki nektbu noqta, yelzem nħottu espas baεd'ha akahaw w mayelzemech nħottu ħatta espas qbalha. uwwel ħarf yji baεd en noqta, yetektab kbir.

- Mithel 1. (ghalet): Hedhi jomla.W hedhi jomla okhra . Jomla theltha. wena ekher jomla

- Mithel 2. (sħiħ): Ena jomla. W ena zeda jomla. Choooo! Ena zeda jomlaaaa.

Tartib

En noqta tεawenna zeda bech naεmlu arqam et tartib. Kifech? Nzidu noqta baεd ay numru, ywalli raqm tartib. Mathalan: "Ed dar 2. εal imin" tetqra: "Ed dar eth ethenya εal imin". Ki yebda raqm et tartib fi wost ej jomla, manħottuch ħarf kbir baεd ennoqta. Ama ki yebda fi ekher el jomla, en noqta mteε et tartib wen noqta mteε ekher ej jomla ywalliew noqta waħda bark. Manħottu espas ken baεd en noqta w much qbalha.

- Mithel 1.: Ed dar 2. εal lisar hya darna.

- Mithel 2.: Oqεed emchi ħatta tusel lil dar 6. Doq el beb w estanna chwaya.

Akronimet

Saεat nħottu noqta bin el ħuruf mteε el akronimet. Kima en noqta mteε et tartib, manħottu ħarf kbira baεd'ha ken ki tabda fi ekher el jomla. Lespas fel ħala hedhi mayji ken qoddem ekher noqta fel akronim w mech fel wost.

- Mithel 1.: Zaεma el N.S.A. tesmaε fina chnawa naħkiew?

- Mithel 2.: Ena bech nwalli nekhdem fel N.S.A. 

Fasel (,)

El fasel yetħat bech yeqsem ej jomla el barcha partiet. Kima en noqta elli fi ekher el jomla, yalzem famma espas baεd el fasel w mafamma ħatta espas qablu. El fasel dima yetħat barra edh dhafrin.

- Mithel 1.: Fid dar hedhi, kol chay mteεi waħdi.

- Mithel 2.: Ghodwa yomken yji "emmakher chwaya", εala ħasb klemu.

Noqtet su'el (?)

Fi ekher kol su'el, yelzem nħottu noqtet su'el. Mafamma ħatta espas qbal noqtet es su'el w espas weħed baεdha. uwwel ħarf baεd'ha yetekteb kbir.

- Waqtech bech tji? Mech qolt ghodwa?

Noqtet es su'el tnajjem tji el barra wala el dekhel medh dhafrin:

- Enti elli tħeb twalli "lemεallem"?

- Smaεtu yes'el fih "Waqtech jay ghodwa?". 

Saεat, waqt elli yabda famma su'el fi west ed dhafrin w su'el el barra medh dhafrin, yelzemna nħuttu zuz nqot su'el, kima el mithel hedha:

- Chkun elli s'elni "Waqtech es sleεa?"?

R.B.: Fi ekher kol su'el, famma noqtet su'el waħda bark.

Noqtet taεajjob (!)

Tetekteb fi ekher ej jomla ki yabda el maεna mteεha fih taεajjob, fajεa wala ħaja kif hakka. En noqta hedhi εand'ha nafs el qaweεed mteε noqtet es su'el.

Dhafrin ("")

Ki tabda el jomla fi wost dhafrin, en noqta lekhranya (noqta εadya, mteε su'el wala taεajob) tetekteb fi wost'hom, be5lef hedha tetekteb el barra. Ki yabdu fama zuz jumal, waħda fi wost edh dhafrin w lokhra el barra, nħottu noqta bark el barra mel dhafrin.

- Mithel (sħiħ): Smaεtu qal "ghodwa manich jay". 

- Mithel (sħiħ): "Ed dokhan ydhor lebdan."