Dhamir el melk

Talkhis

Bech nfarqu kaskruti men kaskrutek, nestaεmlu dhamir el melk. Bet tariqa hedhi, ennajmu naħkiew menghir ma ndakhluha bεadh'ha.

Mteε chkun? Chuf el kelma bech tufa

Waqt naħkiew εle ħaja muleha maεruf, ennajmu nlasqu fel kelma ħaja tqulelna chkunu. Mathalan, idha el karhba mteεi, ennajem nqul "Karhabti εand el mekanicien". Ama idha el kteb mteε es sayed eli khraj, ennajmu nqulu eli hua ktebu.

Haw kifech nbadlu el kelma bech nziduha el melk:

• Ena: -i

• Enta/enti: -ek

• Hua: -u

• Hya: -ha

• Aħna: -na

• Entom: -kom

• Hom: -hom

Mithal: kas --( +na )--> kasna

W ki tabda el kelma antha, ennaħiew el "a" fi ekher elkelma wa nzidu "t" lil dhamir mteε el melk. Mathalan:

• qattusa --( -a )--> qattus --( +ti )--> qattusti
• dabbuza --( -a )--> dabbuz --( +thom )--> dabbuzethom

Ama much el kelmet elkol ennajmu nziduhom el losqa hedhi. Hedha ysir mεa el kelmet eli asl'hom much εarbi, kima PC. Lahna, mannajmuch nqulu "PCna". Al'asaħ enna nqulu: el PC mteεna.

Mteε

Saεat nestħaqu bech naħkiew εle ħaja menghir me nsamiewha, saεat bech nqasru fel jomla, w saεat bech ghirna mayaεrefech εla chnawa naħkiew. Fel ħala hedhi, nestaεmlu "mteε".

Mithel: - Mteε chkun el maryul hedha? - Mteε Berrkhisa.

Kima tchufu fel mithel el fuq, mteε zeda nestaεmluha bech nes'lu εal melk, w hedha ykhalli el ħdith mteεna wadhaħ menghir me ykun twil.

Haw kifech nestaεmlu mteε:

• Ena: mteεi

• Enta/enti: mteεek

• Hua: mteεou

• Hya: mteεha

• Aħna: mteεna

• Entom: mteεkom

• Hom: mteεhom